Во Сент Луис, Мисури, силен ветер урнал шатор во кој имало околу 200 луѓе, при што загинало едно лице, а полесно се повредени стотина. Во тој момент, насобраните ја прославувале победата на локален безбол тим. 17 од повредените, се задржани во болница.

Според очевидци, невремето започнало наеднаш: ветерот го кренал шаторот, спуштајќи го неколку метри подалеку, до околниот железнички мост.

Од почетокот до крајот, од моментот кога луѓето танцуваа и прославуваа па се до комплетниот хаос, мислам дека не поминаа 5 секунди. Остатоци летаа насекаде: маси, столици, делови од шаторот откорнати од земја, изјави арт рендал, сопственик на бар.

Сопствениците на барот соопштија дека имале дозвола за поставување на шаторот, која меѓу другото, содржи и гаранции-дека тој може да издржи налет на силни ветришта.