Најголемот парк во Мексико е опустошен во големиот пожар во кој изгореа 7.500 хектари шума, а официјални лица изјавуваат дека бил предизвикан од бездомници, кои во него престојувале неовластено.



Паркот Боске де ла Примавера се наоѓа на рабовите на градот Гвадалахара, на запад на Мексико, пренесуваат американските медиуми.

Официјалните претставници наведуваат дека бесправно населените лица го предизвикале пожарот со палење оган, во обидот да заземат земја, на која се наоѓа резерват.

Сојузниот обвинител Хернандо Гереро изјави  дека одговорните за пожарот ќе бидат изведени пред лицето на правдата.

Мексиканските власти во текот на минатата година во оваа област биле присилени да изгаснат 14 пожари.