Последиците од излевањето на нафтата од платформите на Бритиш Петролеум во 2010, за флората и фауната во Мексиканскиот залив се поголеми од што се стравуваше.

Ал Џазира јавува за алармантен број на деформации пронајдени кај разни морски животни, а локалните рибари објаснуваат дека никогаш досега не се сретнале со толку страшни мутации и во толку голем број.

Многу ракчиња се најдени со тумори на глава или без оклопи, па дури и без очи, а најстрашна деформација е кога мајките ракчиња остануваат споени со телата на своите потомци.

Забележани се голем број риби без очи, дури и без очни дупки, со отворени рани, чиреви или со големи розови израстоци на главата или шкргите.

Голем е бројот на ракови пронајдени без барем една нога или со дупки во оклопот, како и деформирани оклопи чија големина не одговара на телото на ракот.

Дисперзантите користени за чистење на нафтените дамки од еколошката катастрофа се подеднакво штетни како и излеаната нафта, а заедно со нафтата, хемикалиите драстично го изменија геномот на морските животни.

Пред излевањето на нафтата, во Мексиканскиот залив имаше само 0,001% деформирани риби, додека денес нивниот процент е 20%, со тоа што во некои делови од заливот достигнуваат и до 50%.



Извор - Без Пардон